पाल्पा,सरकारले घोषणा गरेको लकडाउनलाई पाल्पाका विभिन्न स्थानिय तहले कडाईका साथ लागु गरेको छ । पाल्पाका केही पालिकाहरुले पालिका प्रवेश तथा गाउँ प्रवेशमा समेत रोक लगाएको छ।
यस्तै निस्दी गाँउपालिकाले अन्यत्र जिल्लावाट आफ्नो घर आएकालाई क्वारेन्टाइनमा राखेको छ । गाँउपालिकाले अहिले १ जनालाई क्वारेन्टाइनमा राखेको छ। चितवनको नारायणगढमा काम गर्दै आएका निस्दी गाउँपालिका ४ छापडाँडाका १९ वर्षीय नोम बहादुर घर्तीलाई क्वारेन्टाइनमा राखिएको हो । चितवनमा कोरोना संक्रमित भेटिए पछि उनि पैदल हिडेर घर आएका थिए । उनलाई पालिकाले खानाको ब्यवस्थापन गरि ४ नम्बर वडा कार्यलय मित्यालको क्वारेन्टाइनमा राखिएको र उनको स्वास्थ्य अवस्था सामान्य रहेको निस्दी गाँउपालिका वडा नं.४ का वडा अध्यक्ष न्यो बहादुर सुनारीले बताउनुभयो ।
