काठमाण्डाै नेपालमा आज थप ३ जनामा कोरोना संक्रमण पुष्टि भएको छ । काठमाण्डौको टेकुमा रहेको राष्ट्रिय प्रयोगशालामा परीक्षणका क्रममा बारा जिल्लामा दुई र पर्सा जिल्लामा एक जनामा कोरोना सङ्क्रमण पुष्टि भएको स्वास्थ्य ता जनसङ्ख्या मन्त्रालयका प्रवक्ता डा विकास देवकोटाले बताउनुभयोे । संक्रमित तिनै जना भारतबाट नेपाल आएर क्वारेन्टीनमा बसेका थिए । यस अघि इपिडिमियोलोजी तथा रोग नियन्त्रण महाशाखाले भने चार जनामा सङ्क्रमण भएको जनाए पनि मन्त्रालयले तीन जनामा मात्रै पुष्टि भएको जानकारी दिएको हो । योसँगै नेपालमा सङ्क्रमितको सङ्ख्या ५७ पुगेको छ ।
