पाल्पा, जिल्ला प्रहरी कार्यालय पाल्पाले फरार रहेका पाँच अभियुक्तलाई पक्राउ गरेको छ । जिल्ला अदालतबाट दोषी ठहर भए पनि कैद भुक्तान नगरी फरारको सूचीमा रहेका ५ जनालाई पक्राउ गरेर जिल्ला अदालत पाल्पामा बुझाएको हो ।
विभिन्न मुद्दामा दोषी ठहर भएर फरार रहेकाहरुलाई पक्राउ गर्न जिल्ला प्रहरी कार्यालय पाल्पाले विशेष अभियान थालेको थियो । प्रहरीका अनुसार पक्राउ पर्नेहरुमा अदालतबाट लागु औषध सम्बन्धी मुद्दामा दोषी ठहर भएर फरार रहेका तिनाउ गाउँपालिका वडा नं. ६ का ५५ वर्षिय मानबहादुर लम्तरी, तिनाउ गाउँपालिका वडा नं. २ बस्ने २६ वर्षका दिपक लम्साल र माथागढी गाउँपालिका वडा नं. ३ बस्ने ४५ वर्षका रवि काफ्ले रहेका छन् ।
यस्तै तिनाउ गाउँपालिका वडा नं. ३ का ४५ वर्षिय पदमबहादुर रायमाझी बुहविवाह मुद्दामा दोषी ठहर भएका थिए । जिल्ला प्रहरी कार्यालय पाल्पाका सूचना अधिकारी एवं प्रहरी नायव उपरीक्षक मदन गिरीका अनुसार बगनासकाली गाउँपालिका वडा नं. ७ बस्ने २९ वर्षका सुरजबहादुर कनौजे भने सावर्जनजकि अपराध सम्बन्धी मुद्दामा दोषी ठहर भएका थिए ।
फरार अभियुक्तलाई पक्राउ गरी कैद भुक्तान तथा सजायका लागि बुधबार अदालतमा बुझाइएको हो ।
