पाल्पा, गोठ मर्मतका क्रममा ढुङगा, माटोले पुरिएर पाल्पाको रिब्दीकोटमा सोमबार एक पुरुषको मृत्यु भएको छ । रिब्दीकोट गाउँपालिका–७ डबकाका ५५ वर्षीय हरी लम्तारीको मृत्यु भएको हो ।
स्थानीय पुतली बि.क.को टिनले छाएको १ तले कच्ची पुरानो गोठ मर्मत गर्ने क्रममा गोठको काठपात र ढुङगा माटो एक्कासी खस्न गई काम गरिरहेका लम्तरीलाई च्यापेको थियो । उनको घटनास्थलमै मृत्यु भएको जिल्ला प्रहरी कार्यालयले जनाएको छ ।
ढुङगा, माटोले लागेर रिब्दीकोट ८ फेकका ४८ वर्षीय अमर पेग्मी घाईते भएका छन् । उनलाई उपचारका लागि युनटाईटेड मिसन अस्पताल पठाइएको छ । गोठमा रहेका १ भैसी, २ पाडी र २ बाख्रा समेत पुरिएको प्रहरीले जनाएको छ ।
