पाल्पा, पाल्पाको तिनाउँमा रुखबाट लडेर एक युवकको मृत्यु भएको छ । तिनाउ गाउँपालिका ४ लगाड बस्ने २३ वर्षको रेवत बहादुर पल्लीको रुखबाट खसेर ज्यान गएको हो ।
घर नजिकै रहेको साजको घाँस काट्ने क्रममा लडी मृत्यु भएको जिल्ला प्रहरी कार्यालय पाल्पाले जनाएको छ । घटनाको सम्बन्धमा थप अनुसन्धान भइरहेको जिल्ला प्रहरी कार्यालय पाल्पाका प्रहरी नायव उपरिक्षक मदन गिरिले जानकारी दिनुभयो ।
शुक्रवार नै बगनासकाली ४ खानीछापमा पनि एक जनाको रुखबाट लडेर मृत्यु भएको थियो ।
