परिवार भित्र मात्र चाड मनाउन जिल्ला प्रशासन कार्यालय पाल्पाको आग्रह

पाल्पा, जिल्ला प्रशासन कार्यालय पाल्पाले उच्च सतर्कता अपनाएर परिवार भित्र मात्र चाड पर्व मनाउन आग्रह गरेको छ । जिल्ला प्रशासन कार्यालयले विहिबार एक सूचना जारी गर्दै चाडपर्वको अवसरमा हुने भीडभाडले महामारीको रुपमा फैलिएको कोरोना भाईरस संक्रमणको जोखिम अझै बढ्ने भन्दै उच्च सतर्कता अपनाएर परिवार भित्र चाड मनाउन आग्रह गरेको हो ।

विजया दशमीको अवसरमा शुभकामना व्यक्त गर्दै प्रशासनले भनेको छ, ‘दशैं, तिहार, नेपाल संवत्, छठ आदि पर्वमा यातायातका साधन, धार्मिक। स्थल, पसल लगाएत सर्वजनिक स्थलमा हुने भीडभाडले संक्रमणको जोखिम अझै बढ्ने संभावना भएकाले चावपर्व मनाउने क्रममा अनावश्यक आवागमन्, भेटघाट, भेला, सराय नाँच, र मानिस जम्मा हुनेकुनै पनि धार्मिक, सांस्कृतिक वा मनोरञ्जनात्मक कार्यक्रम नर्गन तथा उच्च सतर्कता अपनाई परिवार भित्र मात्र स्वस्थ वातावारणमा आफ्नो धर्म, संस्कृति, परम्परा अनुरुप चाड पर्व मनाउन तथा अनुष्ठान सम्पन्न गर्न अनुरोध गर्दछ ।’

प्रमुख जिल्ला अधिकारी रमेश न्याैपाने द्वारा हस्ताक्षरित सुचनामा  कोभिड संक्रमणले जनजीवनमा नयाँ चुनौती उत्पन्न गरेको छ भन्दै प्रशासनले आफ्नो तथा समाजको स्वास्थ्य सुरक्षाका लागि प्रत्येक व्यक्तिको सचेतना आवश्य देखिएको बताएको छ । कार्यालयले नेपाल सरकार, जिल्ला प्रशासन, जिल्ला स्तरीय कोभिड १९ संकट व्यवस्थापन संचालन केन्द्र बाट भएका निती, निर्णय तथा आदेश र सूचनाहरुको कार्यान्वयन गर्न सहयोग गर्ने सबैलाई धन्यवाद समेत ज्ञापन गरेको छ ।

जिल्ला प्रशासन कार्यालय पाल्पाले जारी गरेको सूचना

यो खबर पढेर तपाईलाई कस्तो महसुस भयो ?