स्याङ्जा, गल्याङमा पार्किङमा राखिएको मोटसाइकल जलेर नष्ट भएको छ । स्याङ्जाको गल्याङ नगरपालिका २ गराङ्दी खुसी चोकमा पार्किङ गरि राखिएको मोटसाइकल जलेर नष्ट भएको छ भने नजिकै रहेको अर्को मोटरसाईकलमा आंशिक क्षति पुगेको छ ।
सोही स्थानका बीर बहादुर रानाको ग. ४ प ४२६४ नम्बरको मोटरसाइकलमा आइतबार राति आगलागी हुँदा मोटरसाइकल पूर्णरुपमा जलेको जिल्ला प्रहरी कार्यालय स्याङ्जाले जनाएको छ । साथै आगलागी बाट नजिकै रहेको ग. ४ प २५८१ नम्बरको मोटरसाइकल समेत आंशिक क्षति पुगेको छ । घटनाको बारेमा थप अनुशन्धान भैरहेको प्रहरीले बताएको छ ।
