काठमाडौ, पछिल्लो २४ घण्टामा नेपालमा थप १ हजार १४ जनामा संक्रमण पुष्टि भएको छ । साथै थप १ हजार ६ सय २८ जना संक्रमित डिस्चार्ज भएका छन् ।
यस संगै नेपालमा हालसम्म संक्रमितको कुल संख्या २ लाख ४१ हजार ९ सय ९५ पुगेको छ भने निको हुनेको कुल संख्या २ लाख २७ हजार ४ सय ३३ पुगेको स्वास्थ्य तथा जनसंख्या मन्त्रालयले जनाएको छ । हाल देशभर १२ हजार ९ सय ४८ जना सक्रिय संक्रमित छन् भने ५ सय २७ जना क्वारेन्टिनमा छन् ।
त्यस्तै कोरोनाको संक्रमण बाट नेपालमा थप २० जनाको ज्यान गएको छ । यो संगै हालसम्म देशभर कोरोना संक्रमणबाट ज्यान गुमाउनेको संख्या १ हजार ६ सय १४ पुगेको स्वास्थ्य तथा जनसंख्या मन्त्रालयले जनाएको छ ।
