पाल्पा, बगनासकाली गाउँपालिका -५, को भित्री सडकमा जिप दुर्घटना हुँदा ६ जना घाईते भएका छन् । राम्दीबाट सुनादी गाउँ जाँदै गरेको लु १ च ५४६५ नम्बरको पीकअप जीप सुनादीस्थित भित्री सडकमा मंगलबार साँझ ५ बजेतिर जीप दुर्घटना हुँदा जीपमा सवार ६ जना घाइते भएका हुन् ।
ब्रेक फेल हुँदा जीप सडकदेखि ५०० मीटर तल खसेको प्रहरीले जनाएको छ । घाइते हुनेहरुमा रिब्दीकोट गाउँपालिका–४, बस्ने २७ वर्षिय विनोद तिवारी, बगनासकाली गाउँपालिका–५, का १८ वर्षिय मनिस भट्टराई, सोही स्थानका १९ वर्षिय दुर्गा भट्टराई, २२ वर्षिय भगवती भट्टराई, २३ वर्षिय मन्जु भट्टराई र २२ वर्षिय दुर्गा भट्टराई रहेको जिल्ला प्रहरी कार्यालय पाल्पाले जनाएको छ ।
घाईतेहरुको तानसेनस्थित युनाईटेड मिसन अस्पतालमा उपचार भईरहेको छ । सबैको अवस्था मध्यम रहेको जिल्ला प्रहरी कार्यालय पाल्पाका सूचना अधिकारी लक्ष्मण पचभैंयाले जानकारी दिनुभयो ।
