पाल्पा, पाल्पाको रामपुरमा पहिलो पटक मिस क्वीन रामपुर सम्पन्न गरेको एशियन नेपाल मिडिया प्रा.लिले पार्क, प्रतिक्षालय तथा बगैंचामा राख्नको लागि बस्ने बेन्च हस्तान्तरण गरेको छ । मिस क्वीन रामपुरको नाममा प्रा.लिले नेपाल तरुण दल रामपुर नगर कार्य समिति संग समन्वय गरी ४ वटा बेन्च हस्तान्तरण गरेको हो ।
विभिन्न कार्यक्रमहरु सञ्चालन गर्दै आएको एशियन नेपाल मिडिया प्रा.लि सामाजिक क्षेत्रमा पनि आफ्नो उत्तरदायित्व निभाउने लक्ष्यका साथ तरुण दल संग समन्वय गरी सोमबार नगरपालिकालाई एक कार्यक्रमका विच बेन्चहरु हस्तान्तरण गरेको हो । रामपुर नगरपालिकाका नगर प्रमुख रमण बहादुर थापालाई नेपाली कांग्रेस रामपुरका नगर सभापति नेत्र प्रसाद भट्टराई, नेपाल तरुण दल रामपुरका नगर सभापति शंकर बहादुर खाँण, एशियन नेपाल मिडिया प्रा.लिका सन्तोष श्रेष्ठ र रविन श्रेष्ठ, मिस क्वीन रामपुरका विजेता अनिश्मा वंशीले संयुक्त रुपमा हस्तान्तरण गर्नु भएको हो ।
बेन्च ग्रहण गर्दै रामपुर नगरपालिकाका नगर प्रमुख रमण बहादुर थापाले परिवर्तन सबैको सहयोग र साथले मात्र हुने बताउनुभयो । उहाँ आगामी दिनमा पनि रचनात्मक कार्यक्रम सहित अघि बढ्न आग्रह गर्नुहुँदै नगर प्रमुख थापाले नगरपालिकाले पनि सक्दो सहयोग गर्ने बताउनुभयो । उहाँले प्राप्त सामाग्री नगर भित्रका पार्क, प्रतिक्षालय तथा सर्वजनिक स्थलहरुमा राखिने बताउनुभयो । कार्यक्रममा नेपाली कांग्रेस रामपुरका नगर सभापति नेत्र प्रसाद भट्टराईले सामाजिक क्षेत्रमा पनि कम्पनीले गरेको कामको प्रशंसा गर्नुभयो ।
नेपाल तरुण दल रामपुरका नगरसभापति शंकर बहादुर खाँणको अध्यक्षतामा भएको कार्यक्रम एशियन नेपाल मिडिया प्रालिका रविन श्रेष्ठको स्वागत र सन्तोष श्रेष्ठको सञ्चालनमा भएको हो ।
