पाल्पा, कटुवाल खबर डट कमका सह–सम्पादक इमान सिं राना सहित रामपुरका २ पत्रकार सम्मानित भएका छन् । रामपुर नगरपालिका ४ नं. वडा कार्यालयले सह–सम्पादक राना र पत्रकार शुसिला रेग्मीलाई सम्मान गरेको हो ।
वडाले सञ्चालन गरेका कार्यक्रम तथा गतिविधिहरुलाई सञ्चार क्षेत्र मार्फत बाहिर ल्याउनमा महत्वपूर्ण भुमिका निर्वाह गरेको भन्दै वडाले सम्मान गरेको हो । राष्ट्रिय समाचार समितिका संवाददाता एवं सामुदायिक रेडियो रामपुरमा कार्यरत पत्रकार रेग्मी र कटुवाल खबर डट कमका सह–सम्पादक, रेडियो पाल्पा एवं एभिन्युज टेलिभिजनका संवाददाता रानालाई मंगलबार जेष्ठ नागरिक सम्मान कार्यक्रमका विच सम्मान गरेको हो ।
रामपुर नगरपालिकाका नगर प्रमुख रमण बहादुर थापा, रामपुर नगरपालिकाका उपप्रमुख विष्णु देवी घिमिरे आचार्य, प्रमुख प्रशासकिय अधिकृत ऋषिराम आचार्य र वडा नं. ४ का वडा अध्यक्ष एक बहादुर नेपालीले संयुक्त रुपमा पत्रकार द्वयलाई डायरी, पेन र खादाले सम्मन गरेको हो ।
