पाल्पा, तानसेन नगरपालिका १ गोर्खेकोटको एक घर बाट गयराती नगद तथा गरगहना चोरी भएको छ । गयराती रातको समयमा जानुका बस्यालको घर बाट गरगहना सहित १२ लाख बढीको चोरी भएको जिल्ला प्रहरी कार्यालय पाल्पाले जनाएको छ ।
बस्याल माईत गएको अवस्थामा घर अगाडिको च्यानल गेटमा लगाएको ताल्चा फुटाली घर भित्र पसेर टिनको दराज खोली दराज भित्र रहेको नगद २५ हजार र अन्दाजी १३ तोला सुनको बिभिन्न गरगहना चोरी भएको प्रहरीले जनाएको छ । अन्दाजी १२ लाख बराबरको गहना र नगद चोरी भएको जानकारी प्राप्त भएपछि जिल्ला प्रहरी कार्यालय पाल्पाले घटनामा संलग्न व्यक्तिहरुको खोजतलास सहित थप अनुसन्धान गरिरहेको बताएको छ ।
