पाल्पा, आज (मंगलबार) देखि रामपुर नगरपालिकामा ‘चौथो मेयर कप–२०७७’ सुरु हुँदैछ । ‘खेलाडीको पहिचान अनि सम्मान, खुशी र स्वस्थ्य जीवनमा मेयर कपको अभियान’ भन्ने नाराका साथ नगर खेलकुद विकास समितिले सञ्चालन गर्न लागेको मेयर कपमा ७ विधामा खेलाडीहरुले प्रतिस्पर्धा गदैछ ।
खेलकुद तथा सांस्कृतिक कार्यक्रमका सहित सञ्चालन हुने मेयर कपमा यस वर्ष वडा स्तरिय पुरुष भलिबल, वडा स्तरिय महिला भलिबल, वडा स्तरिय पुरुष फुटबल, वडा स्तरिय पुरुष क्रिकेट, व्याटमिण्टन, वडा स्तरिय डोरी तान्ने प्रतियोगिता र माध्यमिक तह स्तरिय वक्तृत्वकलामा प्रतिस्पर्धा हुनेछ । जस मध्ये वडा स्तरिय पुरुष तथा महिला भलिबल, पुरुष फुटबल र पुरुष क्रिकेट प्रतियोगिताको गत चैत्र ६ गते नै गोलापर्था बाट खेल तालिका सार्वजनिक गरिएको थियो । व्याटमिन्टन प्रतियोगिताको भने तालिका सार्वजनिक हुन बाँकी छ ।
मटेरी ठूलोटारमा हुने पुरुष तथा महिला भलिबलमा नगरका १० वटैले वडाले प्रतिस्पर्धा गर्दैछ । फुटबलमा ८ वटा वडाले प्रतिस्पर्धा गर्दैछ । रामतुलसी माविको खेल मैदान बेझाँडमा हुने क्रिकेट प्रतियोगितामा भने ६ वटा वडाले प्रतिस्पर्धा गर्दैछ । खेल नकआउट सिस्टममा हुनेछ ।
अबको क्रममा हेरौं मेयर कप अन्तर्गतको खेल तालिका तस्वीरमा
