प्रकाश ज्ञावली
पाल्पा, पाल्पाको रामपुर नगरपालिका -३ मा विहिबार साँझ ट्याक्टर दुर्घटना हुँदा ४ जना घाईते भएका छन् । रामपुर-३ चन्दनपुर बाट बेझाँड तर्फ फर्किदै गरेको लु ४ त ५४४ नम्बरको ट्याक्टर साँझ ६:४७ बजे चन्दनपुरमा दुर्घटना हुँदा चालक सहित ४ जना घाईते भएका हुन् ।
खाद्यान्न छाडेर फर्किने क्रममा ट्याक्टर दुर्घटना हुँदा रामपुर नगरपालिका ३ बगाहा बस्ने १६ वर्षिय अनुज मल्ल, चालक रामपुर नगरपालिका ४ सदावर्त बस्ने ३८ वर्षिय राम बहादुर आले, सहचालक रामपुर-३ बोटेगाउँ बस्ने १६ वर्षिय दिलिप दर्जी र तानसेन नगरपालिका-८ का ५० वर्षिय सोम बहादुर नेपाली घाईते भएको ईलाका प्रहरी कार्यालय रामपुरले जनाएको छ ।
घाईते मध्ये चालक आलेलाई रामपुर अस्पतालमा उपचार पश्चात डिस्चार्ज गरिएको छ, भने अन्य ३ जनालाई थप उपचारको लागि युनाईटेड मिसन अस्पताल तानसेन रेफर गरिएको छ । बगाहा-सीताकुण्ड सडक खण्ड बाट ट्याक्टर अन्दाजी ४०/४५ मिटर तल खसेको छ । दुर्घटनाको विषयमा थप अनुसन्धान भैरहेको प्रहरीले जनाएको छ ।
