पाल्पा, नमुना आमा समूह रामपुर नगरपालिका–५ बसपार्कले शनिबार रामपुर बसपार्क क्षेत्रको सरसफाई गरेको छ । बसपार्क वरपरको फोहोर तथा झाडीहरु सफाई गरेको हो ।
बसपार्क क्षेत्रलाई सदा सफा राख्न र फरक पहिचान प्रदान गर्नको लागि समुहले सरसफाई अभियान चलाएको समुहका अध्यक्ष माया मल्लले जानकारी दिनुभयो । समुहका सचिव कमला सुनारी आगामी दिनमा पनि कार्यक्रम गर्दै जाने बताउनु भयो ।
सरसफाई कार्यक्रममा समुह भित्रका महिला दिदी बहिनीहरु संगै बसपार्क क्षेत्रका व्यवसायी, रामपुर ५ का वडा अध्यक्ष दुर्गा प्रसाद पोखरेल, वडा नं. ७ का वडा अध्यक्ष दोबराज तिवारी, वडा सदस्य नरेन्द्र कुमार जर्घा, बेझाँड बजार टोल विकास समितिका संयोजक दयाराम गैह्रे लगाएतको सहभागीता रहेको थियो । वडाअध्यक्ष पोखरेलल बसपार्क क्षेत्र बाट निस्कने फोहोरको व्यवस्थापनको लागि सहयोग गर्ने बताउनुभयो ।
