पाल्पा, रामपुरमा जारी ‘तेस्रो रामपुर महोत्सव तथा व्यापार मेला’ मा आज आइतबार आधुनिक गायिका रचना रिमाल तथा लोकदोहोरी गायिका अस्मिता डल्लाकोटी सहितका कलाकारहरुको प्रस्तुति रहने भएको छ ।
गत माघ २७ देखि जारी महोत्सवको दशौं दिन रिमाल सहितका कलाकारहरुको प्रस्तुति रहने भएको हो । साथै कार्यक्रममा लोकदोहोरी गायक जिवन सिग्देल, तेजस रेग्मी, लोकदोहोरी गायिका अनिश विश्वकर्माको पनि प्रस्तुति रहने आयोजकले जनाएको छ ।
संघको बहुउद्देश्य भवन निर्माणको लागि रामपुर उद्योग वाणिज्य संघको आयोजना र रामपुर नगरपालिकाको संरक्षणमा महोत्सव भएको हो ।
