पाल्पा , रामपुर नगरपालिकाले उद्यमी महिलाहरुलाई सम्मान गर्ने भएको छ । नगरपालिकाले नारी दिवसको अवसरमा उद्यम गरेका महिलाहरुलाई सम्मान गर्ने भएको हो ।
उद्यम तर्फ उत्प्रेरित गर्ने उद्देश्यका साथ उद्यम गरि आत्मनिर्भर बनेका विभिन्न उद्यम व्यवसाय गरेका महिला दिदि बहिनिहरुलाई नगरपालिकाले सम्मान गर्ने रामपुर नगरपालिकाका उपप्रमुख बाल कुमारी थापाले बताउनुभयो । महिलाहरुले गरेको काम र उद्यमशिलताको कदर सहित उद्यमी महिलालाई सम्मान गर्न लागिएको उपप्रमुख थापाले बताउनुभयो ।
नगरपालिकाको अनुदानबाट र संचालन गरेका विभिन्न तालिमबाट उद्यमी बनेका महिला , फरक र उत्कृष्ट उद्यमीलाई सम्मान गर्ने भएकोे हो । नगरपालिकाले १ सय १३ औँ अन्तराष्ट्रिय नारी दिवसको अवसरमा बुधबार एक कार्यक्रमका विच सम्मान गर्ने भएको छ । सम्मानका लागि नगर भित्रका सवै वडाबाट उद्यमी महिलाहरुको तथ्याङ्क संकलन गरिएको महिला तथा बालबालिका शाखाका प्रमुख पुजा परियारले जानकारी दिनुभयो ।
