पाल्पा, पाल्पाको माथागढी गाउँपालिका ६ मा आइतबार विहान टिप्पर दुर्घटना हुँदा चालकको घटनास्थल मै मृत्यु भएको छ । साथै टिपरमा सवार एक जना घाईते भएका छन् ।
गोठादी बाट रहबास (पाल्पा चुनढुङ्गा खानी) तर्फ गैरहेको लु २ ख ११९६ नम्बरको खाली टिपर झडेवा-रहबास भित्रि कच्ची सडक अन्तर्गत चिलेपानीमा विहान पौने सात बजे दुर्घटना भएको थियो । मृत्यु हुनेमा टिपर चालक तिलोत्तमा ११ गणेशनगर रुपन्देही बस्ने ४० वर्षिय बिष्णु गुरुङ रहेको जिल्ला प्रहरी कार्यालय पाल्पाका प्रवक्ता प्रहरी नायव उपरीक्षक वीरेन्द्र थापाले जानकारी दिए । सोही टिपरमा सवार माथागढी ७ झडेवाका ५० वर्षिय हुम बहादुर परियार घाईते भएका छन् । उनलाई उपचारको लागि तानसेन पठाईएको छ ।
टिपर सडक बाट अन्दाजी ३०/४० मिटर तल खसेको छ । घटनाको विषयमा अनुसन्धान भैरहेको प्रहरीले जनाएको छ ।
