पाल्पा, पाल्पाको निस्दी गाउँपालिकामा करेन्ट लागेर एक महिलाको मृत्यु भएको छ । निस्दी–३, खादर बस्ने ५४ वर्षकी उमावती गाहाको मृत्यु भएको हो ।
शुक्रबार अपरान्ह साढे ४ बजे आफ्नै घरमा मोबाइल चार्ज गर्ने क्रममा गाहालाई अचानक करेन्ट लागेको थियो ।करेन्ट लागेर गम्भीर घाईते गाहालाई लगतै उपचारको लागि रामपुर अस्पताल ल्याईएकोमा उपचारको क्रममा उनको मृत्यु भएको जिल्ला प्रहरी कार्यालय पाल्पाका प्रवक्ता प्रहरी नायव उपरीक्षक वीरेन्द्र थापाले जानकारी दिनुभयो ।
