पाल्पा, रामपुर नगरपालिका–२ भलायटार पाल्पामा आगोलागी बाट एक घरमा आंशिक क्षति भएको छ । आईतबार विहान खाना बनाउने क्रममा ग्यास लिक भई भान्सा कोठा बाट सल्किएको आगोले टिकाराम थापाको दुई तले कच्ची घरमा क्षति भएको हो ।
विहान ९ः५५ बजे खाने पकाउने ग्याँस लिक भएर भान्सा कोठा बाट सल्किएको आगोले बरन्दा, दोस्रो तलाको तलामा रहेको धान लगाएतको अनाज, नगद, गरगहना, लत्ता कपडा नष्ट भएको छ । आगलागी बाट ३ लाख ८९ बराबरको क्षति भएको ईलाका प्रहरी कार्यालय रामपुरका वरिष्ठ प्रहरी नायव निरिक्षक दल बहादुर बुढाले जानकारी दिनुभयो ।
घरमा लागेको आगो रामपुर नगरपालिकाको दमकलको सहयोगमा प्रहरी, जनप्रतिनिधि र स्थानीयले विहान ११ः१५ नियन्त्रणमा लिएका थिए ।
