पाल्पा, पाल्पाको रैनादेवी छहरा गाउँपालिकामा घाँस काट्ने क्रममा रुख बाट लडेर एक पुरुषको मृत्यु भएको छ । रैनादेवी छहरा गाउँपालिका वडा नं. २ सर्देवाका ४७ बर्षिय डिल बहादुर बुढाथोकी मृत्यु भएको हो ।
आफ्नो घर नजिकै रहेको स्वामीको रुखमा चढी घाँस काट्ने क्रममा अचानक खसेर घाईते भएका बुढाथोकीलाई उपचारका लागि आईतबार यूनाईटेड मिसन अस्पताल ल्याईएको थियो । अस्पतालमा उपचारका क्रममा उनको आज मंगलबार ३ः४० मा मृत्यु भएको जिल्ला प्रहरी कार्यालय पाल्पाका प्रवक्ता प्रहरी नायब उपरिक्षक वीरेन्द्र थापाले जानकारी दिनुभयो । घटना सम्बन्धी थप अनुसन्धान कार्य जारी रहेको प्रहरीले जनाएको छ ।
