पाल्पा, आयुर्वेद शिरोमणि आचार्य श्री बालकृष्ण महाराजको जन्मदिनको अवसरमा रामपुरमा वृक्षरोपण गरिएको छ । पतञ्जली योग रामपुर नगर समिति, महिला पतञ्जली योग समिति रामपुरको संयुक्त आयोजना र कालीगण्डकी आँखा उपचार केन्द्रको समन्वयमा शुक्रबार विहान आँखा उपचार केन्द्रको परिसरमा वृक्षरोपण गरिएको हो ।
किसानबारी योगहलमा योग पश्चात वृक्षरोपण गरिएको थियो । आचार्य ज्यूको जन्मदिनको अवसरमा पतञ्जली रामपुर नगर योग समितिका उपाध्यक्ष एवं रामपुर ७ का वडा अध्यक्ष दोवराज तिवारीले दिप प्रज्वलन गरी शुभारम्भ गरिएको थियो । योग समितिका पदाधिकारी तथा सरोकारवालाहरुले १० वटा अमला, १० वटा तेजपात र १० वटा बढी विभिन्न प्रजातिको केराको विरुवा लगाएको पतञ्जली रामपुर नगर योग समितिका सचिव सुर्य प्रसाद श्रेष्ठले जानकारी दिनुभयो ।
कार्यक्रम पतञ्जली रामपुर नगर योग समितिका अध्यक्ष सुदिप गैरेको अध्यक्षतामा भएको थियो ।
