पाल्पा, पाल्पाको तानसेनमा बिहीबार साँझ बस दुर्घटना हुँदा २० जना घाइते भएका छन् । तानसेन बाट काठमाडौंका लागि छुटेको लु २ ख १४०३ नम्बरको रात्री बस तानसेन नगरपालिका–४, बारुदखानमा दुर्घटना भएको थियो ।
दुर्घटनामा परेका २० जनालाई युनाईटेड मिसन अस्पतालमा पठाइएको जिल्ला प्रहरी कार्यालय पाल्पाले जनाएको छ । घाइतेमध्ये दुई जनाको अवस्था गम्भीर रहेको अस्पतालले जनाएको छ ।
प्रहरीका अनुसार बसको ब्रेक फेल भएपछि दुर्घटना भएको हो । दुर्घटनास्थलमा दुई वटा मोटरसाइकलका साथै दुई घरमा समेत क्षति पुगेको छ । घटनाका सम्बन्धमा थप अनुसन्धान भइरहेको प्रहरीले जनाएको छ ।
