पाल्पा, नेपाल विद्यार्थी संघ शहीद बहुमुखी क्याम्पस इकाई समितिले हरितालिका तीजको शुभकामना आदनप्रदान गरेको छ । शनिबार राधादामोदर आरोग्य वृद्धाश्रम पुगेर जेष्ठ नागरिकहरु संग रमाईलो गरी शुभकामना आदन प्रदान गरेको हो ।
नेविसंघ शहीद बहुमुखी क्याम्पस इकाई समितिका सभापति ल्याकट अलीको अध्यक्षतामा भएको कार्यक्रम चापाकोट नगरपालिका वडा नं. ६ का वडा अध्यक्ष तारादेवी पोखरेलको प्रमुख आतिथ्यतामा भएको हो । विद्यार्थीहरुले जेष्ठ नागरिकहरु संग मौलिक भाकामा रमाईलो गरेका थिए । कार्यक्रममा प्रमुख अतिथी पोखरेल, नेपाली कांग्रेस पाल्पा क्षेत्र नं. १ का क्षेत्रिय सहसचिव दिपक अर्याल लगाएतले शुभकामना मन्तव्य राख्नु भएको थियो । नेपाल विद्यार्थी संघ शहीद बहुमुखी क्याम्पस इकाई सभापति अलीले धर्म, संस्कृती र नेपाली मौलिकपनलाई जगेर्ना गर्न हरितालिका तीजको अवसरमा कार्यक्रम गरेको जानकारी दिए ।
कार्यक्रमको सञ्चालन नेपाल विद्यार्थी संघ शहीद बहुमुखी क्याम्पस इकाई समितिका सचिव रमेश पोखरेलले गर्नु भएको हो ।
