काठमाडौं, नेपाली रेडियो नेटवर्कका समाचार निर्देशक जीवन भण्डारीलाइ ‘प्रेस काउन्सील क्रियाशिल पत्रकारिता पुरस्कार’ प्रदान गरिएको छ । काउन्सीलको स्थापना दिवसको अवसरमा आज राष्ट्रपति कार्यालय शीतल निवासमा आयोजित पुरस्कार वितरण समारोहमा सञ्चार तथा सूचना प्रविधि मन्त्री रेखा शर्माले उहाँलाइ पुरस्कार प्रदान गर्नुभएको हो ।
झण्डै २३ बर्षदेखि पत्रकारितामा क्रियाशिल भण्डारी यसअघि राष्ट्रिय समाचार समिति (रासस) नेपाल वाणी नेटवर्क, नेपाल एफएम नेटवर्क, रेडियो आँधिखोला, बुटवल एफएम, देउराली दैनिक, जनचेतना साप्ताहिक, गाउँले देउराली साप्ताहिक लगायतमा काम गर्नु भएको थियो । पाल्पाको रामपुर १० स्थायी घर भएका भण्डारी तानसेन, बुटवल हुदै अहिले काठमाडौंमा रहेर पत्रकारिता गरिरहनु भएको छ।
उक्त समारोहमा विभिन्न शिर्षकमा अन्य दर्जन बढि पत्रकारलाई पनि सम्मान तथा पुरस्कार वितरण गरिएको थियो ।
