पाल्पा, पाल्पाको रामपुरमा जारी रामपुर फनपार्कमा बिबिध साँस्कृतिकमा शनिबार भाईरल गायिका सिम्रन परियारको प्रस्तुती हुँदैछ । आईकोनिक ग्रुप प्रालि द्धारा सञ्चालित रामपुर फन पार्कले वडा दशैंको अवसरमा कार्तिक १ देखि ४ गते सम्म सञ्चालन गरेको कार्यक्रममा सिम्रन संगै अन्य कलाकारहरुको प्रस्तुति रहने छ ।
हिन्दू धर्मावलम्बीहरूको महान चाड बिजया दशमी २०८० को पावन अबसरमा मनोरञ्जन संगै आन्तरिक पर्यटन प्रबर्द्धनका लागि “रामपुर फनपार्क जाऔं, दशैं बिशेष कार्यक्रममा रमाऔं’’ भन्ने नाराका साथ भैरहेको कार्यक्रममा शनिबार सिम्रन संगै चर्चित लोकदोहोरी गायक मोहन खड्का, श्याम राना र सुमन केसीको पनि प्रस्तुति रहनेछ । कार्तिक १ गते देखि सुरु भएको कार्यक्रममा दैनिक रुपमा ख्याती प्राप्त कलाकारहरुको प्रस्तुति रहँदै आएको छ ।
कार्यक्रममा दैनिक रुपमा राष्ट्रिय ख्याति प्राप्त कलाकारहरुको बेजोड प्रस्तुती, डान्स प्रतियोगिता, मनोरञ्जनका लागि बालउद्यान साथै मिठा मिठा स्वादिष्ट खानाको परिकार तथा अन्य मनोरञ्जनात्मक क्रियाकलापहरु संचालन भैरहेको छ । शुक्रबार लोकदोहोरी गायिका निरा थापा सहित अन्य कलाकारको प्रस्तुति रहेको थियो ।
शनिबार जादुमयी स्वरमा गीत गाएर भाइरल बन्नु भएकी सिम्रन सहित अन्य ख्याति प्राप्त कलाकारहरुको प्रस्तुति रहने आईकोनिक ग्रुप प्रालिका अध्यक्ष भोजेन्द्र प्रकाश ढकालले जानकारी दिनुभयो । केही दिनअघिसम्म गाउँघरमै सीमित सिम्रन रेकर्ड गीत ट्रेन्डिङ वानमा उक्लिएसँगै उनी झनै चर्चामा रहनु भएको छ ।
