पाल्पा, पाल्पामा गयराती टिप्पर दुर्घटना हुँदा एक जनाको मृत्यु भएको छ । रैनादेवी छहरा गाउँपालिका–२ स्थित सिजी कम्पनीको कम्पाउण्ड भित्र टिपर दुर्घटना हुँदा रब्दीकोट गाउँपालिका –१ ख्याहाका २४ वर्षीय शिर बहादुर पालुङ्गेको मृत्यु भएको हो ।
आइतबार राती ११ः३५ बजे सिजी कम्पनीको कम्पाउण्ड भित्रकै माटो एक स्थानबाट अर्को स्थानमा लोड गरी लैजाने क्रममा लु १ क ३१६१ नम्बरको टिपर दुर्घटना भएको थियो । दुर्घटनामा गम्भीर घाइते भएका पालुङ्गेलाई उपचारको लागि लुम्बिनी मेडिकल कलेज प्रभास पठाईएको थियो । अस्पताल पु¥याई डाक्टरले चेक जाँचपछि मृत घोषण गरेको जिल्ला प्रहरी कार्यालय पाल्पाका प्रवक्ता प्रहरी नायव उपरीक्षक सुगन्ध श्रेष्ठले जानकारी दिनुभयो ।
टिपर आफै अनियन्त्रित भई दुर्घटना भएको बताइएको छ । घटनाका विषयमा थप अनुसन्धान भइरहेको प्रहरीले जनाएको छ ।
