पाल्पा, ठकुरी समाज महासंघ पाल्पाले भेटघाट तथा सम्मान कार्यक्रम रामपुरमा सम्पन्न गरेको छ । प्रथम लुम्बिनी कप महिला भलिबल प्रतियोगितामा सहभागी ठकुरी समाजका महिला खेलाडीहरुलाई स्वागत सहित सम्मान कार्यक्रम गरेको हो ।
होटल न्यू श्रीनगरको सभाहलमा भएको कार्यक्रम ठकुरी समाज महासंघ पाल्पाका अध्यक्ष हिमाल मल्लको अध्यक्षतामा भएको कार्यक्रममा रामपुर नगरपालिकाका प्रवक्ता एवं वडा नं. १ का वडा अध्यक्ष कपिल बहादुर खाँणले खेलाडीहरुको उज्वल भविष्यको कामना गर्दै आफ्नो लक्ष्यमा प्रतिवद्ध भएर अघि बढ्न आग्रह गर्नुभयो । कार्यक्रममा ठकुरी समाज महासंघ पाल्पा सदस्य नगर खेलकुद विकास समितिका अध्यक्ष कमल सेनले खेलले समाज संगै देश नामलाई उच्च बनाउन महत्वपूर्ण स्थान खेल्ने बताउँदै खेलाडीहरुलाई थप सफलताको शुभकामना दिनुभयो ।
राष्ट्रिय महिला भलिबलका टिमका क्याटेन अरुणा शाहीले न्यानो अतिथ्यता र सम्मानको लागि आभार व्यक्त गर्नुभएको थियो । ठकुरी समाज पाल्पाका वरिष्ठ उपाध्यक्ष सोम बहादुर सेनको स्वागत बाट सुरु भएको कार्यक्रमको सन्चालन दुर्गेश मल्लले गर्नु भएको हो । ठकुरी समाजका महिला भलिबल खेलाडीहरु राष्ट्रिय महिला भलिबलका टिम क्यापटेन अरुण शाही, गण्डकी प्रदेशका पूजा सेन ठकुरी, सुदुरपश्चिम प्रदेशका सृिष्ट सिंह, कर्णाली प्रदेशका अम्बिका शाही र सीता सिं लाई खादा र पाल्पाली करुवाले सम्मान गरिएको थियो ।
