पाल्पा, क्यामी समाज र मानन्धर गुठी रामपुर, पाल्पाले महिला भलिबल खेलाडीलाई सम्मान गरेको छ । राष्ट्रिय महिला भलिबल प्रतियोगिता क्रममा रामपुर आउनु भएको बागमती प्रदेश महिला भलिबल टिमका खेलाडी अलिसा मानन्धरलाई सम्मान गरेको हो ।
स्याङ्जाको क्याक्मीमा जन्म भई हाल बागमती प्रदेश भलिबल खेल्दै आउनु भएका मानन्धरलाई समाजले न्यू होटल श्रीनगरमा बुधबार भेटघाट सहितको कार्यक्रम आयोजना गरी सम्मान गरेको हो । क्यामी समाजका अध्यक्ष सुवेदार गणेश क्षेत्रीको अध्यक्षतामा भएको कार्यक्रम मानन्धरलाई मायाको चिनो, पाल्पाली करुवा नगद र खादाले सम्मान गरिएको थियो ।
कार्यक्रमको सञ्चालन मानन्धर समाज रामपुर पाल्पाका अध्यक्ष एवं क्यामी समाज रामपुरका सचिव राजकुमार मानन्धरले गर्नु भएको थियो ।
