पाल्पा, निस्दी गाउँपालिका–७ पाल्पामा जिप दुर्घटना हुँदा एक जना घाईते भएको छ । निस्दी–६ को अर्चले बाट सर्दी तर्फ जाँदै गरेको लु १ ज २३९१ नम्बरको मुस्ताङ जिप भुटुके सर्दी कच्ची सडक खण्डको अधमारामा दुर्घटना भएको थियो ।
दुर्घटनामा जिपमा सवार निस्दी–६ अर्चलेका ६६ वर्षिय डिलमान राना घाईते भएको प्रहरीले जनाएको छ । जिप अनियन्त्रित भै सडकमा पल्टिदा राना घाईते हुनु भएको जिल्ला प्रहरी कार्यालय पाल्पाका प्रहरी निरीक्षक सन्तोष चन्दले जानकारी दिनुभयो ।
घाईते रानालाई उपचारको लागि अर्चले स्वास्थ्य चौकी पठाईएको छ । विहान साढे ८ बजे जिप आफै अनियन्त्रित भई बाटोमा पल्टिएको थियो । जिप चालकलाई नियन्त्रणमा लिई दुर्घटनाको विषयमा थप अनुसन्धान भैरहेको जिल्ला प्रहरी कार्यालय पाल्पाले जनाएको छ । जिपमा १२ जना यात्रु सवार रहेका थिए ।
