पाल्पा, जिल्लाको रामपुरमा होली विशेष कार्यक्रम हुने भएको छ । द खु*कुरी युथ क्लवु रामपुर पाल्पाको आयोजनामा प्रथम होली उत्सव हुन लागेको हो ।
यही फागुन ११ गते फागु पुर्णिमाको दिन बेझाँड बजार चोकमा सांगितिक कार्यक्रम सहित होली उत्सव सञ्चालन गर्न लागिएको हो । सामाजिक सद्भावलाई मजबुत बनाउँदै होली संस्कृतिको जगेर्ना गर्ने उद्देश्यका साथ होली विशेष कार्यक्रम हुन गैरहेको क्लवका अध्यक्ष शंकर सुनारले बताउनुभयो ।
कार्यक्रममा चर्चित र्यापर निरज मल्ल ठकुरी ‘टुकी’ को बेजोड प्रस्तुति रहने कार्यक्रम संयोजक विवश सिटौलाले जानकारी दिनुभयो । टुकी सहित द मिष्टेरियस ग्रोभर्स व्याण्ड पोखराको प्रस्तुति रहने छ । कार्यक्रममा स्थानीय कलाकारहरुको प्रस्तुति रहने आयोजकले जनाएको छ । विहान ११ बजे बाट सुरु हुने कार्यक्रममा घैटो फुटाल्ने कार्यक्रम समेत रहेको क्लवका उपाध्यक्ष विष्णु आचार्यले जानकारी दिनुभयो ।
