पाल्पा, जिल्लाको माथागढी गाउँपालिका–३, बेलटारी स्थित तिनाउ खोलामा एक पुरुष मृत फेला परेको छ । तानसेन नगरपालिका–९ बस्ने ५६ वर्षीय मान बहादुर कुमाल मृत फेला परेको प्रहरीले जनाएको छ ।
बुधबार दिउँसो १२ः१० बजेको समयमा तिनाउ खोलामा नामथर वतन नखुलेको पुरुषको शव फेला परेको जानकारी आउना साथ अस्थाई प्रहरी पोष्ट माडीफाँट र जिल्ला प्रहरी कार्यालय पाल्पाको टोली बेलटारी पुगेको थियो । प्रारम्भिक अनुसन्धान कार्य पश्चात पोष्टमार्टमका लागि जिल्ला अस्पताल पाल्पा पठाईएको जिल्ला प्रहरी कार्यालय पाल्पाका प्रहरी नायव उपरीक्षक सुगन्ध श्रेष्ठले बताउनुभयो ।
घटना सम्बन्धी थप अनुसन्धान कार्य जारी रहेको उहाँले जानकारी दिनुभयो ।
