असोज ७ ।
पाल्पा, तिनाउ खोलामा पौडी खेल्ने क्रममा डुबेर एक भारतिय नागरिकको मृत्यु भएको छ । मृत्यु हुनेमा भारत उत्तर प्रदेश आग्राका २६ वर्षीय विशाल कुमार जावत रहेको प्रहरीले जनाएको छ ।
घुम्न आएका जावत तिनाउ गाउँपालिका-३ पावर हाउस स्थित तिनाउ खोलामा सोमबार अपरान्ह पौडी खेल्ने क्रममा डुबेर बेपत्ता हुनु भएको थियो । बेपत्ता भएको खबर पाउना साथ दोभान प्रहरी चौकी बाट प्रहरी टोली खटिएको थियो । साँझ ५:५० मा बेपत्ता हुनु भएका जावत खोजतलास गर्ने क्रममा ईलाका प्रहरी कार्यालय बुटवल रुपन्देहीको एरियाम मृत फेला परेको जिल्ला प्रहरी कार्यालय पाल्पाका प्रहरी नायव उपरीक्षक सुगन्ध श्रेष्ठले जानकारी दिनुभयो ।
घटनाको विषयमा थप अनुसन्धान भैरहेको प्रहरीले जनाएको छ ।
