माघ १० ।
पाल्पा, प्रधानमन्त्री केपी शर्मा ओली सहित उप प्रधान तथा सहरी विकास मन्त्री प्रकाशमान सिंह आज पाल्पा आउनुहुने भएको छ । जिल्लाको विभिन्न कार्यक्रमका लागि प्रधानमन्त्री ओली उपप्रधान तथा सहरी विकास मन्त्री सिंहसहितका उच्च पदस्थ व्यक्तिहरु पाल्पा आउन लाग्नु भएको हो ।
प्रधानमन्त्री ओली विहान १० बजे हेलिकप्टर मार्फत काठमाडौबाट बगनासकाली गाउँपालिका आउनुहुने कार्यक्रम छ । विहान ११ः१५ बजे बगनासकाली गाउँपालिकाको प्रशासकीय भवन उद्घाटन गरेर १२ः१५ बजे अन्तराष्ट्रिय सम्मेलन केन्द्र, बुटवल प्रस्थान गर्ने कार्यक्रम रहेको प्रधानमन्त्रीको सचिवालयले जनाएको छ ।
१२ः३० बजे तिनाउ गाउँपालिकाको भवन उद्घाटन, सिद्धबाबा सुरुङ्गमार्ग ब्रेक थ्रु र मन्दिर शिलान्यास गर्नुहुने कार्यक्रम छ । २ः०० बजे बुटवल गोरुसिङ्गे सडक शिलान्यास सभा जितगढीमा सहभागि हुने कार्यक्रम छ । प्रधानमन्त्री ओली ३ः३० बजे अन्तराष्ट्रिय सम्मेलन केन्द्र बुटवलबाट हेलिकप्टर मार्फत काठमाण्डौ फर्कने तालिका रहेको प्रधानमन्त्रीको सचिवालयले जनाएको छ ।
