पाल्पा, तानसेनमा सम्पन्न अन्तर माध्यमिक विद्यालय तह जिल्ला स्तरीय हाजिरी जवाफ प्रतियोगितामा रामपुर स्काउट ट्रुप प्रथम भएको छ । कपितानियो स्काउट ट्रुप सेन्ट कपितानियो स्कुल तानसेन पाल्पाको आयोजनामा भएको प्रतियोगितामा रामपुर अंग्रेजी आवासिय विद्यालयमा संचालित रामपुर स्काउट ट्रुप प्रथम भएको हो ।
त्यस्तै प्रतियोगितामा बेथल स्काउट ट्रुप द्वितिय र माउन्ट भ्याली स्काउट ट्रुप तृतीय भएको छ । विजयी समूहलाई पुरस्कार वितरण गर्दै नेपाल स्काउट लुम्बिनी प्रदेश तदर्थ समति सदस्य तथा पाल्पा इन्चार्ज जीवन आचार्यले पाल्पा स्काउटको विकास र विस्तारमा निरन्तर क्रियाशिल रहेको बताउनुभयो । कार्यक्रममा तानसेन नगरपालिका स्काउट संयोजक माधव खनालले स्काउटले शिक्षा क्षेत्रको विकासमा महत्वपूर्ण योगदान गर्दै आएको बताउनुभयो । प्रतियोगिता सेन्ट कपितानियो स्कुलका प्रिन्सिपल सिस्टर एनिस जोसेफको अध्यक्षता र स्काउट मास्टर अप्सरा न्यौपानेको संचालनमा सम्पन्न भएको थियो ।
प्रतियोगितामा रामपुर आवासिय संगै चन्द्रा मावि ,जनता मा.वि. , दमकडा मा.वि., बेथल मा.वि., दिव्या ज्योति मावि, माउण्ट भ्याली, देब्बानी मा.वि. गरी ८ विद्यालयको सहभागीता रहेको थियो । प्रतियोगितामा प्रथम, द्वितिय र तृतीय हुने समूहले क्रमश नगद २ हजार, १ हजार ५ सय र १ हजार सहित मेडल र प्रमाणपत्र प्राप्त गरेका छन् ।
