माघ ३ ।
पाल्पा, लामो समय देखि शिक्षण पेशामा सक्रिय रामपुर नगरपालिका–९ का विक्रम घिमिरेले ‘मनकी माया’ बोलको गीत सार्वजनिक गर्नु भएको छ । उहाँले आफ्नै शब्द, संगीत र आवाजमा पहिलो गीत ‘मनकी माया’ ल्याउनु भएको हो ।
घिमिरेले आफ्नै युट्युब च्यानल मार्फत गीत सार्वजनिक गर्नु भएको हो । गीतमा संगीत संयोजन सबिर कार्कीले गर्नु भएको छ । त्यसैगरी गायक बिक्रम आफैँ भिडियोमा फिचर्ड भएका छन् । आफ्नो आफू सानैदेखि गायनको धोको पूरा गर्ने उदेश्यले शिक्षण पेशासँगै पहिलो गीत ‘मनकी माया’मार्फत कलाकारितामा जोडिएको घिमिरेले बताउनुभयो ।
उहाँले लामो समय देखि रामपुर नगरपालिका–९, जब्गादीस्थित आफ्नै गाउँको भानुभक्त माध्यमिक विद्यालयमा अध्यापन गर्दै आउनु भएको छ । विविध कारणले गायनमा जोडिन ढिला भएको घिमिरेले बताउनुभयो । विद्यालयको हिउँदे विदामा समय निकालेर काठमाडौं पुगेर पहिलो गीत बजारमा ल्याएको उहाँले बताउनुभयो । गीत सार्वजनिक भए संगै विद्यालयका सहकर्मी शिक्षक र विद्यार्थीहरुले गीत सुनेर शिक्षण संगै गायनमा लाग्न साथ र हौसला दिएको बताउनुभयो ।
‘मनकी माया’ गीतको भिडियो ।
