माघ ४ ।
पाल्पा, स्याङ्जाको गल्याङ नगरपालिका–२, मा घाँस काट्ने क्रममा रुख बाट लडेर एक महिलाको मृत्यु भएको छ । गल्याङ नगरपालिका–२ घ्याङ्सिङडाडा बस्ने ६१ वर्षीय पोविसरा थापाको रुखबाट लडेर मृत्यु भएको प्रहरीले जनाएको छ ।
विहिबार दिउँसो १२ बजे आफ्नै बारीको गिँधरीको रूखमा घाँस काट्ने क्रममा अचानक रूखबाट खसेर उहाँ गम्भीर घाइते हुनुभएको थियो । थापालाई उपचारका क्रममा गल्याङ नगर अस्पतालमा मृत्यु भएको जिल्ला प्रहरी कार्यालय स्याङ्जाका सूचना अधिकारी प्रहरी निरीक्षक उमेशलाल श्रेष्ठले जानकारी दिनुभयो । घटनाबारे अनुसन्धान भइरहेको प्रहरीले जनाएको छ ।
