पाल्पा, पाल्पाको रामपुरमा ५ दिने उद्घोषण, भाषण कला तथा पत्रकारिता तालिम हुने भएको छ । सीताकुण्ड मिडिया प्रा.लि.ले माघ ७ देखि ११ गते सम्म तालिम सञ्चालन गर्न लागेको हो ।
युवा संगै नेतृत्व तहमा रहेका व्यक्तित्वहरुको क्षमता विकास तथा पत्रकारिता क्षेत्रमा अग्रसर बनाउने लक्ष्यका साथ तालिम सञ्चालन गर्न लागिएको हो । सीताकुण्ड मिडिया प्रा.लि.का अध्यक्ष दुर्गेश मल्लले विगतमा यस्ता तालिम हुँदै आए पनि पछिल्लो युवा पिढीँका लागि उद्घोषण तालिम सञ्चालन गर्न लागिएको बताउनु भयो । उहाँले पत्रकारिताको दायरा फराकिलो बन्दै जाँदा युवा पुस्ताको सहभागीता कम भएको भन्दै यस तर्फ युवाहरुलाई आकर्षित गर्ने लक्ष्य रहेको बताउनुभयो ।
कार्यक्रम संयोजक दान बहादुर हिस्की मगरले होटेल न्यू श्रीनगरको सभाहलमा हुने तालिममा दक्ष अनुभवी एवं राष्ट्रियस्तरमा ख्याति प्रशिक्षक तथा केन्द्रिय स्तरका सञ्चार माध्यममा कार्यरत सञ्चारकर्मीहरु द्वारा प्रशिक्षण दिईने जानकारी गराउनुभयो । प्रालिले तालिममा सहभागी हुने इच्छुकहरुको लागि आवेदन फारम समेत खुल्ला गरेको छ ।
