पाल्पा, आमाको वार्षिक पुण्यतिथीमा रामपुर ७ निवासी शिक्षा प्रेमी सुदिप गौतमले विद्यार्थीहरुलाई पोशाक वितरण गर्नु भएको छ । हाल ग्लोबल आईएमई बैंक रामपुर शाखामा कार्यरत गौतमले विजय प्राथमिक विद्यालय रामपुर नगरपालिका ७ सर्पराजमा अध्ययनरत ४५ जना विद्यार्थीहरुलाई विद्यालय पोशाक प्रदान गर्नु भएको हो ।
आमा विष्णु कुमारी गौतमको वार्षिक पुण्यतिथीको पूर्व सन्ध्यामा एक कार्यक्रमका विच विद्यालय पोशाक प्रदान गर्नु भएको हो । गौतमले आमाको सम्झनामा विद्यार्थीहरुलाई प्रोत्साहन स्वरुप पोशाक प्रदान गरेको बताउनुभयो । आमाको वार्षिक पुण्यतिथी असार १८ गते भए पनि त्यस दिन शनिबार परेकाले बुधबार नै वितरण गरिएको जानकारी दिनुभयो । विद्यालय व्यवस्थापन समितिका अध्यक्ष एवं रामपुर ७ का वडा अध्यक्ष दोवराज तिवारीले सहयोगको लागि धन्यवाद ज्ञापन गर्नु भएको थियो ।
विद्यालय व्यवस्थापन समितिका अध्यक्ष दोवराज तिवारीको अध्यक्षतामा भएको कार्यक्रम विद्यालय व्यवस्थापन समितिका सदस्य एवं रामपुर नगरपालिकाका कार्यपालिका सदस्य दुर्गा देवि गौतमको स्वागत बाट सुरु भएको थियो । कार्यक्रमको सञ्चालन प्रधानाध्यापक लेख बहादुर बाह्रघरे गर्नु भएको हो ।
