पाल्पा, चर्चिक लोक तथा दोहोरी गायक रामचन्द्र चन्दले ‘गाउँ तिरै फर्किन्छु’ बोलको लोकभाका बजारमा ल्याउनु भएको छ । विश्व महामारीको रुपमा फैलिएको कोभिड–१९ को संक्रमणका कारण स्वदेश तथा विदेशमा रहेका नेपालीहरुले जन्मभूमी गाउँलाई सम्झी रहेका बेला उनले गाउँ सम्झाउने गीत बजारमा ल्याउनु भएको हो ।
बुधबार युटुयुव मार्फत रिलिज भएको गीतमा शब्द लोक गायक हुम गैरेले भर्नु भएको छ । गीतमा स्वर तथा लय चन्द आफैले भर्नु भएको छ । शैली क्रियशन मार्फत यो गीत बजारमा आएको हो । गीतको म्युजिक भिडियो निर्देशन हुम गैरेको रहेको छ भने अभिनय चन्द स्वयमले गर्नु भएको छ । गीत मार्फत जन्मथलोको सम्झना र महत्व लाई देखाउन खोजिएको छ । चन्दका चरी रुखमा, रेसुङ्गाको बस लगायतका चर्चित गीतहरु बजारमा आइसकेका छन् ।
